Presidenti Ilir Meta ka dhënë sot një tjetër mesazh për Reformën në Drejtësi. Meta i është drejtuar sërish kryeministrit Edi Rama, duke i thënë se ka timonin i qeverisjes, por nuk ka frena, ndaj dhe sipas Presidentit, ai shquhet për “krijimtari” të papërmbajtshme.
Kreu i Shtetit shkruan në “Facebook” se çështja është reforma apo Ramaforma, duke shtuar se kjo e dyta është thjesht zbatimi “krijues” i reformës.
“Mirëmëngjes të dashur qytetarë! Reforma apo Ramaforma? Kjo është çështja. Po çfarë është Ramaforma? Përgjigje e thjeshtë: Zbatimi ”krijues” i Reformës.Timonieri ynë ka timon por s’ka frena, dhe si i tillë shquhet për “krijimtari” të papërmbajtshme.
Pas pak po e nisim me Kryereformën në drejtësi meqënëse pas pak ditësh nisim festimet për 3-vjetorin e miratimit të saj me 140 vota, duartrokitje dhe puthje të papërmbajtura”, shkruan Meta.
