Koordinatori i Bindjes Demokratike, Astrit Patozi ka komentuar deklaratat e Presidentit Meta në konferencën e sotme, duke u fokusuar tek “konspiracioni kundër Shqipërisë”.
Sipas tij, Meta duhet të flasë, pasi shqiptarët duhet ta dinë nëse i vjen e mira apo e keqja nga SHBA, apo shtetet e tjera të Perëndimit.
“Ajo çfarë më bëri përshtypje ishte se Meta tha se: Ka një konspiracion ndërkombëtar që vjen nga Perëndimi kundër Shqipërisë. Kam përshtypjen që kjo është një gjë shumë e rëndë dhe duhet të shtjellohet, sepse shqiptarët duhet ta dinë nëse i vjen e mira apo e keqja nga SHBA, apo shtetet e tjera të Perëndimit”, tha ai.
