Specialistët për Hetimin e Krimit në Komisariatin Lezhë proceduan penalisht në gjendje të lirë për veprën penale “Pengimi i subjekteve zgjedhore”, Kryetarin e Bashkisë Lezhë, Fran Frrokaj, 54 vjeç.
Lajmin e ka konfirmuar zyrtarisht Policia e Lezhës. Gjatë një emisioni televiziv ai dyshohet se ka konsumuar elementët e veprës penale “Pengim i subjekteve zgjedhore”, shtuan të njëjtat burime.
“Gjithashtu, specialistët e Hetimit të Krimit në Komisariatin Mirditë kanë proceduar penalisht për vepra penale kundër procesit zgjedhor në vend, shtetasit: A.K., 34 vjeç, banues në Mirditë; Gj.P., 28 vjeç, banues në Mirditë. Materialet procedurale u referuan në Prokurorinë pranë Gjykatës Shkallës Parë Lezhë”, njoftoi Policia.