Shërbimi për Çështjet e Brendshme dhe Ankesat ka arrestuar ditën e sotme agjentin e krimeve Ledion Bako.
Mësohet se Bako punonte si agjent krimesh në Komisariatin numër 2 në kryeqytet ndërkohë që gjatë kontrollit të ushtruar i është gjetur një sasi kokaine, një armë si dhe akuzohet për shpërdorim detyre.
Agjenti i krimeve në Komisariatin 2 është arrestuar mbrëmjen e djeshme në Linzë.
Bako prej shumë kohësh ka qenë në hetim ku është arrestuar së bashku me tre persona të tjerë identiteti i të cilëve ende nuk bëhet i ditur.