Nis gjyqi për tre personat e përfshirë në trafikun e 613 kilogramëve kokainë.
Mësohet se Arbër Çekaj do të gjykohet në mungesë, pasi nuk është ekstraduar ende nga Gjermania.
Gjatë seancës te Krimet e Rënda, Prokuroria ka kërkuar të gjykohen 3 persona.
Konkretisht për dosjen e 613 kg kokainë do të gjykohet Arbër Çekaj, Donaldo Lushaj dhe Armando Pezaku, nën masën e sigurisë ‘arrest me burg’.
Kujtojmë se sasia prej 613 kg kokainë u sekuestrua në fund të shkurtit të vitit 2018 në një magazinë të Arbi Garden në Maminas. Dyshohet se kokaina ishte e lidhur me një rrjet trafiku që nis nga Kolumbia dhe përmes organizatave të krimit shqiptar përfundonte në tregun europian.