Washington Post i bën jehonë vendimit të sotëm të Kolegjit Zgjedhor për mbajtjen e zgjedhjeve lokale në Shqipëri të dielën e 30 qershorit.
Në një artikull të Associated Press botuar nga WP thuhet se trupa e gjyqtarëve të zgjedhjeve vendosën në favor të mbajtjes së zgjedhjeve, duke hedhur poshtë një lëvizje të presidentit të republikës për t’i shtyrë.
Pesë anëtarët e Kolegjit zgjedhor votuan në mënyrë unanime që një parti e vogël politike, që kërkoi të ç’rregjistrohej bazuar në aktin e presidentit Ilir Meta, duhet të marrin pjesë në zgjedhjet e së dielës.
Herët këtë muaj, Meta tha se ai kishte shtyrë zgjedhjet lokale, nën frikën se zgjedhjet do të ishin ‘jodemokratike’ pa partitë e opozitës që i bojkotuan.
Parlamenti me 140 vende ka filluar një procedurë të gjatë për largimin e Metës, duke e lidhur me dhunimin e Kushtetutës, edhe pse socialistët nuk i kanë 94 votat që ju duhen.
Opozita ka drejtuar protestat që nga mesi i shkurtit, duke akuzuar qeverinë për lidhje me krimin e organizuar dhe ka kërkuar zgjedhje të reja të përgjithshme
