Pas Elbasanit forca të shumta speciale kanë zbarkuar natën vonë në Vlorë.
Forcat Speciale me në krye RENEA kanë ushtruar kontrolle të shumta në qytetin e Vlorës. Ende nuk ka detaje, por deri më tani dihet se një nga pikat e kontrollit ka qenë Lapardhaja.
Gjithashtu raportohet se është sekuestruar një sasi e konsiderueshme kanabisi, por ende nuk ka të dhëna për persona të arrestuar.
Operacioni ka vijuar edhe në orët e para të mëngjesit të sotëm dhe në përfundim të tij, pritet një bilanc dhe njoftim zyrtar nga Drejtoria e Përgjithshme e Policisë.