Presidenti nuk tërhiqet! Nuk e njeh rezolutën që u votua një orë më parë në Parlament për rrëzimin e dekretit për shtyrjen e zgjedhjeve.
Përmes një deklarate për mediet, Bledar Dervishaj, Këshilltari Ligjor i Presidentit deklaroi se vetëm Gjykata Kushtetuese mund të rrëzojë një dekret presidencial dhe jo parlamenti. Në këto kushte tha ai, President ii Republikës fton parlamentin dhe partitë politike të reflektojnë sepse dekreti për të shtyrë zgjedhjet është i pakthyeshëm. Ai tha shprehimisht se “Presidenti do të shprehet me dekret (pas konsultimeve) për një datë të re zgjedhjesh vendore”.
