Greqia është në fushatë elektorale për zgjedhjet e parakohshme. Megjithatë një nga njerëzit që mbështeste zgjerimin e BE-së, kryeministri grek Alexis Tsipras ka folur për kushte ndaj Shqipërisë.
Tsipras prezantoi programin e tij elektoral, ndërsa u ndal gjerë e gjatë edhe tek politika e jashtme e në mënyrë të veçante tek marrëdhëniet e Greqisë me Maqedoninë e Veriut, Turqinë dhe Shqipërinë.
Tsipras deklaroi se të drejtat e minoritetit grek në Shqipëri do të jenë kriter që Greqia të jap OK-in për pranimin e fqinjit të vet verior ne Bashkimin Evropian.
“Të drejtat e minoritetit grek në Shqipëri vendosen për herë të parë si kriter për hyrjen e Shqipërisë në Bashkimin Evropian”, theksoi Alexis Tsipras