Shqiptari Hektor Mahmutaj, 43-vjeç, i dënuar me 25 vite burg në mungesë për vrasjen e një fermeri në Shqipëri, ka shfrytëzuar lirinë me kusht dhe është zhdukur në Britani.
43 vjeçari, i cili është futur vite më parë Mbretërinë e Bashkuar i fshehur në një kamion, kërkohet në Shqipërinë, pasi u dënua me 25 vite për vrasjen e një fermeri në Fier, Gentjan Jahaj, në korrik të vitit 1997
Në tetor të vitit të kaluar gjyqtari Tan Ikram vendosi në gjykatën e magjistratëve në Ëestminster se Mahmutaj duhet të ekstradohet në Shqipëri.
Megjithatë, pavarësisht se Mahmutaj kishte një varg dënimesh në Britani, duke përfshirë posedimin e armëve të zjarrit, ai e liroi atë me kusht.
Rasti i ishte referuar sekretarit të brendshëm Sajid Javid për një vendim përfundimtar sepse Mahmutaj është një shtetas jo-BE.
Javid mbështeti vendimin në fund të vitit të kaluar, duke hapur rrugën për ekstradimin.
Që nga ajo kohë Mahmutaj nuk është shfaqur dhe ka shkelur kushtet e lirimit me kusht. Vendndodhja e tij aktuale nuk dihet.
Mahmutaj është dënuar për vrasje, por e mohon akuzën. Pritet që ai të përballet me një rigjykim, sepse gjyqi i tij fillestar u mbajt në mungesë të tij.
