Detaje të reja kanë dalë lidhur me grabitjen e Exchange-it në rrugën e ‘Barrikadave’ në Tiranë.
Mësohet se pronari i cili mbeti i plagosur nga dy grabitësit është shtetasi Agron Shima 50 vjeç.
Sakaq, bëhet me dije se pasi e dhunuan, autorët i morën çantën, brenda së cilës kishte 60 mijë dollarë.
Njëri nga dy autorët është prangosur nga efektivët e policisë rrugore, që kanë ndërhyrë me shpejtësi pasi konstatuan ngjarjen, ndërsa tjetri është shpallur në kërkim.
Ndërkohë që grupi hetimor ka rrethuar vendin e ngjarjes dhe ka sekuestruar motorin që përdorën autorët për të ndjekur dhe sulmuar pronarin e pikës së këmbimit valutor dhe thikën me të cilën e goditën.
Njoftimi i policisë:
Tiranë/ Informacion paraprak
Rreth orës 09:12, në rrugën e “Barrikadave” shtetasi A. Sh., rreth 50 vjeç (pronar i një pike këmbimi valutor) ka qenë duke lëvizur me motorr ndërkohë që është goditur me mjete të forta nga dy persona duke i marrë një sasi lekësh.
Reagimi në kohë i Policisë ka bërë të mundur kapjen dhe shoqërimin në Komisariat të njërit prej autorëve të dyshuar, ndërkohë që autori tjetër ka arritur të largohet.
Shërbimet e policisë janë vënë në ndjekje dhe po punohet për kapjen e tij.