Detaje të reja kanë dalë në dritë nga grabitja e dhunshme ditën e sotme në mes të Tiranës. Dy grabitës qëlluan me levë në kokë një kambist të valutës monetare dhe tentuan ti merrnin një shumë prej 60 000 eurove, por në momentin e largimit njëri prej tyre është arrestuar. Mësohet se grabitësi po tentonte të largohej me një motor, por një polic rrugor ka parë të gjithë skenën dhe i është hedhur sipër edhe pse ishte në lëvizje. Më pas në ndihmë të tij kanë ardhur kolegët të cilët kanë bërë të mundur prangosjen e grabitësit. Ndërkohë kambisti i plagosur është dërguar në spital në gjendje të rëndë shëndetësore.
