Futbollisti shqiptar Mërgim Mavraj ka zbuluar arsyen e largimit nga skuadra greke e Aris. Vendimi i tij për tu largua nga Greqia erdhi vetëm gjashtë muaj pas transferimit të tij tek skuadra Aris, për shkak se në vendin fqinj nuk ka asnjë xhami për tu falur. “Nga Greqia ika shumë shpejt sepse arsyeja kryesore ishte se nuk kishte shami për tu falur. E them me plot sinqeritet, sepse jeta e futbollistit nuk është vetëm loja në fushë. Janë dhe shumë orë të tjera që njeriu i kalon në jetën private, dhe mua më mungonte shumë xhamia. Nuk kishte xhami fare aty. Unë isha mësuar me këtë gjë, me vëllezërit e mi, me gjëra që më relaksojnë jashtë futbollit me pas ato aktivitet e mia, që janë të lidhura me fenë time, me shokët e mi. Nuk isha aty për pushime dhe nuk e kisha ndërmend të bëja jetë luksoze apo të shkoja çdo ditë në plazh, por kisha synime. Këto nuk u përputhën në fund fare”, tha Mavraj për ‘Telesport’. Ai shtoi se nuk u largua me ndonjë keqardhje apo keqkuptim, por edhe pse trajneri nuk donte, “Ose iki ose e lë futbollin. Kështu që nuk u lashë zgjidhje tjetër”.