Pas deputetëve të PD, edhe ata të LSI kanë firmosur deklaratën për dorëheqjen nga mandati. Këtë deklaratë nuk e ka firmosur vetëm deputeti, Lefter Koka, i cili e shprehu qëndrimin e tij ditën e djeshme. Duke theksuar se është zgjedhur nga vullneti i popullit, Koka u shpreh se nisma është e ish-kryetarit të PD-së, Sali Berisha. Koka shprehet qartë edhe kundër protestave të opozitës së bashkuar ndaj qeverisë, duke theksuar se mandati i tij nuk mund të përdoret asesi për t’i vënë flakën institucioneve shtetërore apo parlamentit shqiptar.
