Në rrugën e Maminasit një depozitë gjigante është shkëputur nga bazamenti i saj si pasojë e erërave të forta dhe është rrokullisur në rrugë duke rrezikuar seriozisht jetën e qytetarëve që qarkullonin me makina në atë moment. Ngjarja ka ndodhur pak minuta më parë dhe është sjellë nga gazetari Shpëtim Luku shoqëruar edhe me një foto.
“Jeta ka koincidencat e saj fatale, te cilat nuk varen fare prej teje. Sepse mund te qëllosh që je duke kaluar në rrugë në një moment te caktuar, kur era e fortë i jep fuqinë rrotulluese një depozite të madhe, e cila më pas mund të të bëjë “përshesh” me gjithë makinë. Por mua nuk më bëri dot “përshesh” sepse kalova vetëm 10 sekonda më përpara”, shkruan Luku në faqen e tij në Facebook.