Ndonëse në media është aluduar shumë për shëndetin e Nexhmije Hoxhës, vejushës së diktatorit Enver Hoxha, ajo mesa duket vazhdon të gëzojë shëndet të plotë.
Sot, Nexhmija mbush 98 vjeç, duke iu afruar kështu një shekulli jetë.
Ndërkaq, është nusja e dashur e Nexhmijes, Teuta Hoxha ajo e cila i bën një dedikim në rrjetet sociale.
“Sot për familjen tonë është një ditë e veçantë, 98-vjetori i datëlindjes së Nexhmije Hoxhës”, shkruan Teuta Hoxha dhe ndan këtë foto të hershme të Nexhmijes me bashkëshortin e saj Enver Hoxhën.
Nexhmije Hoxha është një nga figurat më polemike që vazhdon të ngjallë debat edhe sot për të gjitha çështjet e shumë diskutuara të komunizmit.
