Siç kishin paralajmëruar që nga dita e premte, një përfaqësi pedagogësh tek fakulteti i Shkencave Sociale kanë nisur grevën pa afat.Në mbështetje të tyre u janë bashkuar edhe disa studentë, ndërsa pjesa tjetër kanë bojkotuar procesin mësimor.Ky vendim u mor me shumicë votash në Asamblenë e Pedagogëve, organi më i lartë vendimmarrës për një fakultet. “Asambleja ishte e ligjshme sepse pati kuorum me shumicën e absolute të pedagogëve të fakultetit të Shkencave Sociale.Sa kohë brenda ligjit ka marrë vendimin për grevë, kush del kundër grevës është kundër ligjit. Do vijojmë deri në plotësimin e kërkesave, deri në një kundërveprim i asamblesë”, u shpreh pedagogu Arlind Qorri tha për ‘News 24’.
