Prej ditësh studentët janë ngujuar brenda ambienteve të fakulteteve, ku kanë bojkotuar edhe procesin mësimor. Ata insistojnë për plotësimin e kërkesave që i kanë parashtuar kryeministrit Rama, por dhe që i kanë bërë publike që në fillim të protestës. Ditën e sotme, studentët e fakultetit Juridik janë përplasur me njëri-tjetrin. Grupi i studentëve që vijojnë ngujimin nuk lejojnë pjesën tjetër që të realizohet mësim deri në plotësimin e kërkesave të tyre duke përfshirë edhe anulimin e ligjit për arsimin e lartë. Grupi i studentëve që kërkojnë të bëjnë mësim kanë hequr karriget nga dera e fakultetit, çka ka sjellë revoltën e studentëve të ngujuar.
