Jepet masa e sigurisë arrest me burg për Klement Balilin.Para pak minutash, Klement Balili, ose siç njihet ndryshe ‘Eksobari i Ballkanit’, ka lënë ambjentet e Policisë së Tiranës dhe është drejtuar drejt Gjykatës së Krimeve të Rënda, ku do të njihet me akuzat e ngritura ndaj tij si dhe për masën e sigurisë së dhënë gjatë kohës kur ishte në arrati.
Në Gjykatë, Balili shfaqet pa pranga dhe tepër i qetë. Madje ai nuk nguron as të buzëqeshë para kamerave që ndodhen të pranishme brenda sallës së gjyqit.
Balili akuzohet për trafik ndërkombëtar të lëndëve narkotike. Dje, në shortin e hedhur të Krimet e Rënda, gjyqtare e seancës paraprake u caktua Miliana Muça, ndërsa kjo e fundit do të bëjë edhe rivlerësimin e masës së sigurisë.
