Komisioni i Pavarur i Kualifikimit zbardhi ditën e djeshme vendimin e plotë konfirmimit në detyrë të prokurorit të Prokurorisë së Përgjithshme, Arben Kraja. Prokurori Kraja u përball pak kohë më parë me vetingun, duke e kaluar procesin, ndërsa KPK sqaroi dje gjerësisht të gjitha arsyet që e çuan drejt vendimit për ta konfirmuar në detyrë. Ajo që bie në sy nga vendimi i komisionit të vetingut është se në informacionet e marra në rrugë zyrtare sa i takon vlerësimit profesional, rezulton se ndaj prokurorit Kraja nuk ka asnjë denoncim.
“Në Komisionin e Pavarur të Kualifikimit nuk janë paraqitur denoncime ndaj subjektit të rivlerësimit, z. Arben Kraja, sipas parashikimit ligjor të nenit 53 të ligjit nr. 84/2016. Gjithashtu, nuk ka pasur informacione të njohura publikisht, në lidhje me aftësitë profesionale, etiken, aftësitë personale dhe angazhimin profesional të subjektit të rivlerësimit. Pasi janë analizuar 5 dosjet e përzgjedhura me short dhe tre vendimet e përzgjedhura nga subjekti, nga ana e Komisionit, u arrit në të njëjtat konstatime si ato të Grupit të Punës pranë Prokurorisë së Përgjithshme. Gjatë procesit të rivlerësimit, është bërë një analizë e hollësishme e praktikës, nr. prot., datë 07.05.2015, të Prokurorisë së Përgjithshme, zgjidhur me memon e konceptuar nga subjekti i rivlerësimit, më datë 14.05.2015”, thuhet në vendim. Ndërsa sa i takon vlerësimit të pasurisë, KPK në vendimin e arsyetuar thekson se prokurori e justifikon pasurinë. “Burimi i deklaruar i krijimit të pasurisë: të ardhurat familjare ndër vite. Gjatë hetimit administrativ, ka rezultuar se : DPSHTRR38 ka informuar se z. Arben I. Kraja, ka të regjistruar automjetin me targë. Ky mjet është blerë nga shtetasi N. F. Rr në shumën 250.000 lekë. 39 4.2 Kjo pasuri është deklaruar: Në vitin 2007, ku është deklaruar se subjekti ka paguar zhdoganimin e mjetit, në shumën 340.000 lekë. Për të vërtetuar këtë fakt, është pyetur subjekti i rivlerësimit i cili ka vërtetuar me dokumente shkresore 40 se zhdoganimi i mjetit realisht është paguar nga ai, fakt të cilin i cili e ka deklaruar që në momentin e parë (deklarimin për vitin 2007) e në vijim”, thuhet në vendim. Kujtojmë që Arben Kraja njihet si prokurori qe ka hetuar Lulzim Bashën për aferën e rrugës së Kombit.