Agjencia evropiane e kërkimit bërthamor CERN ka prezantuar planet e ndërtimit të një tjetër tuneli më të gjatë të përshpejtimit të pjesëzave atomike, me një perimetër prej 100km, rreth katër herë më të madhe ai eksiztues, po ashtu në Zvicër. Në kërkim të së ashtuquajturës “Pjesëza e Zotit” përshpjetuesi i ri prej më shumë se 8 miliardë euro, do të jetë 10 herë më i fuqishëm se ai aktual. CERN parashikon që sistemi iri të hyjë në funksion në 2040, dhe sipas tyre “do të zgjerojë shumë njohuritë e njerëzimit për lëndën dhe universin”. Projekti do të ketë më shumë se 1,300 kontribues nga 150 universitete, institucione kërkimi dhe partnerë industrialë.Makineria aktuale njihet për zbulimin e të ashtuquajturës “Pjesëza e Zotit”, ose pjesëza e Higgs, e cila po ndihmon studiuesit të kuptojnë se nga e merr lënda masën e saj. CERN me bazë në Gjenevë, tha se zbulimi i pjesëzës ka “ka hapur një shteg të ri kërkimi” për origjinën e lëndës dhe ka krijuar “një derë hyrjeje në një rend të ri të fizikës”. Përshpjetuesi i ri do të përdorë “magnetë super-përcjellës të një gjenerate të re”, të cilët me nivelet e tyre të larta të energjisë do të bëjnë studime të detajuara mbi mënyrën sesi pjesëzat e reja të zbuluara, bashkëvepropjnë me njëra tjetrën. Puna përgatitore për projektin ka nisur në 2014, me qëllim krijimin e një makinerie të aftë për të realizuar përplasjet mes pjesëzave “elektron-pozitron, proton-proton dhe ion-ion, në intensitete dhe nivele energjie të paprecedentë, dhe ndoshta edhe përplasje elektron-proton apo elektron-ion “.Drejtoresha e përgjithshme e CERN, Fabiola Gianotti, tha se përshpejtuesi i ri do të “avancojë teknologji të reja me impakt të gjerë në shoqërinë nejrëzore, si dhe do të sjellë sfida të reja të pamenduara”.
