Kur na ndajnë gjashtë muaj nga zgjedhjet lokale, në një nga Bashkitë më të rëndësishme të vendit, Elbasan, socialistët duket se kanë filluar përgatitjet.
N dërkohë mësohet se Qazim Sejdini mësohet se nuk do të kandidojë për një mandat të katërt, por po përflitet se do ta zëvendësojë një emër tjetër i njohur.
Gledian Llatja, që është prezantuar si prefekt i qarkut sot, ka marrë përshtypjet më të mira nga Balla dhe nga Sejdini. I pyetur nga gazetarët nëse do të kandidojë si kryebashkiak, Balla nuk e përjashtoi Llatjan nga gara.
“Është personalitet i rëndësishëm i Elbasanit, që e ka përfaqësuar qytetin në institucione të rëndësishme. Z. Llatja do ta vazhdojë ta bëjë edhe në pozicionin e prefektit. Jemi në fazën e vlerësimit të kandidaturave , pse jo dhe Z. Llatja do të bëhet pjesë e vlerësimit nëse edhe ka dëshirë të marri këtë përgjegjësi. Ne do të kemi proces dialogu dhe komunikimi me komunitetin e Elbasanit për të vijuar punën që është bërë në bashkinë e Elbasanit”, u shpreh Balla.
Kujtojmë se edhe Qazim Sejdini përpara se të zgjidhej kryebashkiak ka qenë prefekt i qarkut.