Ka nisur seanca e jashtëzakonshme plenare për votimin e dekreteve të Presidentit Ilir Meta për shkarkimin e 6 ministrave dhe zëvendëskryeministres, si edhe për emërimin e 7 ministrave dhe zëvendëskryeministrin. Por seanca ka nisur me tensione dhe debate. Gramoz Ruçi ka kundërshtuar kërkesën e opozitës për zhvillimin e debatit. Ai ka hapur votimin e prezencës dhe ka nisur me zbatimin e procedurës. Ndërkohë, opozita ka reaguar duke bllokuar foltoren. Pas këtyre diskutimeve, kreu i Kuvendit njoftoi hapjen e votimit, ndërkohë që deputetët e opozitës u larguan nga salla.