Ministri në ikje i Bujqësisë, Niko Peleshi ka shprehur publikisht mirënjohje për Autoritetin Kombëtar të Ushqimit.
Peleshi thotë se pas rezultatit kuptimplotë të punës për sigurinë ushqimore në vend, sasia e vajit të palmës të importuar është ulur gjatë vitit 2018 me 1187 ton.
“Bashkëpunimin me drejtorin e AKU, Agim Ismaili do ta mbaj mend gjatë. Një drejtues atipik që duke i kthyer kurrizin përfitimeve të paligjshme që historikisht AKU ka prodhuar, u bë një nga bashkëpunëtorët më efektivë të punës sonë. Kemi ende punë për të sjellë të gjithë drejtuesit në këtë standard integriteti. Mirënjohje “, shkruan Peleshi.
Postimi i plotë:
Dje publikuam një rezultat kuptimplotë të punës së palodhur për të rritur sigurinë ushqimore në vend – sasia e vajit të palmës të importuar është ulur gjate vitit 2018 me 1187 ton. E thënë ndryshe çdo familje shqiptare ka konsumuar rreth 2 kg më pak vaj palme që deri para 1 viti përdorej në mënyrë të paligjshme në nënproduktet e qumështit dhe konsumohej pa e ditur. Është vetëm një prej shumë operacioneve të Autoritetit tonë Kombëtar të Ushqimit që po bën realitet një mision në dukje të pamundur – siguri e lartë ushqimore për konsumatorin shqiptar. Bashkëpunimin me drejtorin e AKU, Agim Ismaili do ta mbaj mend gjatë. Një drejtues atipik që duke i kthyer kurrizin përfitimeve të paligjshme që historikisht AKU ka prodhuar, u bë një nga bashkëpunëtorët më efektivë të punës sonë. Kemi ende punë për të sjellë të gjithë drejtuesit në këtë standard integriteti. Mirënjohje