Ambasadori i Bashkimit Europian në Shqipëri, Luigi Soreca ka zhvilluar një takim ditën e sotme me kreun e Këshillit të Lartë të Prokurorisë, Gent Ibrahimi. Në një postim në Twitter, Soreca njofton se në qendër të diskutimeve ishin hapat e ardhshëm të KLP-së duke përfshirë ngritjen e SPAK dhe përzgjedhjen e Prokurorit të Përgjithshëm. “Takimi i parë me Gent Ibrahimin, kryetar i Këshillit të Lartë të Prokurorisë të sapoformuar. Ne diskutuam hapat e ardhshëm të punës prioritare të KLP duke përfshirë ngritjen e SPAK dhe përzgjedhjen e Prokurorit të Përgjithshëm”, shkruan Soreca.