Ministria e Brendshme ka njoftuar se Sandër Lleshaj do të dalë në një konferencë për mediat për vetëdorëzimin e Klement Balilit.Klodiana Lala ka komentuar deklaratën e parashikuar të Lleshajt, duke theksuar se ky zhvillim shumë i rëndësishëm që lidhet me Balilin, nuk mund të konsiderohet sukses i Policisë së Shtetit.
“Nuk besoj se është sukses i policisë së shtetit vetëdorëzimi i një personi që ka sfiduar të gjithë strukturën e drejtësisë shqiptare dhe jo vetëm, duke qëndruar në arrati deri sa ai u bind të vetëdorëzohet dhe të përballet me drejtësinë”, u shpreh Lala.
Deri më tani institucionet nuk kanë dalë ende me një deklaratë zyrtare duke mbajtur sekret vendndodhjen e Balilit.