Kuvendi do të mbajë nesër në orën 17:00 seancë të jashtëzakonshme me kërkesë të Ramës.Kryetari i kuvendit Gramoz Ruçi ka nxjerrë sot urdhërin e parë për këtë vit, duke njoftuar mbledhjen e Kuvendit në një seancë të jashtëzakonshme nesër në orën 17.00.
Ndërkohë që porosia që u është dhënë ditën e djeshme nga Partia Socialiste gjithë deputeteve ka qenë që të mos largohen nga Tirana ditën e mërkurë sepse mund të ketë mbledhje të Kuvendit në seancë të jashtëzakoshme.
Sipas kalendarit normal të punimeve parlamenti duhet të mblidhej në datën 21 janar, por Edi Rama i ka kërkuar Ruçit që ndryshimet që ka bërë në qeveri të kalojnë sa më parë në seancë plenare.
Ndërkohë që në ndryshimet e fundit, Edi Rama ka dërguar te Presidenti Ilir Meta dekretin për të mbajtur ai detyrën e Ministrit të Jashtëm, pas përplasjeve që kryeministri dhe Presidenti patën për të emëruar në këtë detyrë emrin e propozuar nga Rama, Genti Cakaj.
