Konferenca e Kryetarëve ka pranuar në parim ngritjen e Komisionit Hetimor Parlamentar për DSIK, pas kërkesës së PD-së dhe të LSI-së, për të hetuar mënyrën se si u pajis me certifikatën e sigurisë, i zgjedhuri i Kryeministrit Rama për ministër të Jashtëm, Gent Cakaj.
Bëhet me dije se kjo kërkesë është diskutuar në mbledhje e sotme të Konferencës së Kryetareve dhe është pranuar në parim.
“Jemi dakord në parim me çdo kërkesë që vjen nga opozita, por vendimi të jetë në koherencë me ligjin për komisionet hetimore, vendimet përkatëse të gjykatës kushtetuese dhe legjislacionin rregullator për informacionin e klasifikuar”- ka thënë kreu i grupit parlamentar te PS-së, Taulant Balla.
Kujtojmë se edhe vete kreu i PD-se, Basha pas mosdekterimit nga ana e Metës për Gent Cakajn, deklaroi se “ne kemi nisur punën për të hetuar në të gjitha format e mënyrat duke përfshirë dhe hetimin parlamentar, përgjegjësitë e DSIK-së, zv.ministrit Caka, ministrit Bushati, kryeministrit Rama dhe Shërbimit Informativ të Shtetit në dhunimin e ligjit për informacionin e klasifikuar sekret në Republikën e Shqipërisë dhe pasojat që kjo ka për sigurinë kombëtare dhe sigurinë e NATO-s”.
Në një njoftim zyrtar, te pak ditëve më parë, DSIK sqaroi situatën që sipas saj është e vërteta e të gjithë debatit të hapur prej dritës së djeshme.
“DSIK administron përgjigjet zyrtare të Autoriteteve Verifikuese brenda vendit; SHISH, SHÇBA, si dhe të Agjencisë së Kosovës për Inteligjencë (AKI), si i vetmi Autoritet Verifikues i Republikës Kosovës, (pasi z. Cakaj mban edhe shtetësinë e Kosovës, krahas shtetësisë shqiptare)”, thuhej më tej në njoftimin e DSIK.
Ndërsa në fund deklarohet se: DSIK administron dokumentacion të plotë lidhur me procedurat e ndjekura dhe informacionin e përftuar në funksion të verifikimit të sigurisë dhe të pajisjes me CSP të z. Gent CAKAJ.