Një Cunam tepër i fuqishëm ka ndodhur në Indonezi duke marrë jetën e 168-të personave dhe qindra të tjerë kanë mbetur të plagosur  në zonën e njohur si Sunda Strait natën e së shtunës, sipas zyrtarëve të vendit.

Sipas autoriteteve indoneziane 33 persona  mbeten të humbur midis rrënojave dhe baltës.

Meteorologjia indoneziane, Agjencia e Klimatologjisë dhe Gjeofizikës (BMKG) tha se vala nuk ishte shkaktuar nga një tërmet, por ndoshta ishte rezultat i një shpërthimi të malit Krakatoa.

Agjencia më vonë shpjegoi se sistemet paralajmëruese  të saj  janë të lidhura kryesisht me aktivitetin tektonik, jo jo si pasojë vullkanike.

Videoja e filmuar në një nga plazhet e prekura dhe e postuar në Tëitter, tregon valën që lëkundet kur bathuesit po dalin nga uji.

Imazhe të tjera që janë postuar në mediat sociale tregojnë shkatërrimin e lënë pas nga valët.