Videoja e një vajze e cila po kërkonte të furnizonte me karburant një makinë elektrike po bën xhiron e rrjetit. Në videon e publikuar fillimisht në Youtube shihet një vajzë bionde e cila prej disa minutash përpiqet që të gjejë vendin ku do të furnizonte makinën e saj elektrike me benzinë, në një pikë karburanti në SHBA. Videoja është filmuar nga disa persona të tjerë që po prisnin në radhë, të cilët dëgjohen në sfond duke qeshur me të madhe. Si duket, vajza nuk ia kishte fare idenë se Tesla, me të cilën ajo kishte dalë, nuk ka nevojë për karburant, por për energji elektrike.