Italiani ishte në vështirësi pas ndeshjes, pasi dukej shumë i emocionuar dhe në tension. 45-vjeçari nuk e dinte nëse do të vazhdonte të ishte në krye të kombëtares tonë, por fitorja me Uellsin me rezultatin minimal 1-0 duket se i ka shpëtuar stolin teknikut të kombëtares shqiptare, Christian Panucci.
“Procesi Sportiv” bën me dije se mes kreut të FSHF-së dhe Christian Panuccit është zhvilluar një takim që ka vendosur dhe të ardhmen e trajnerit. Biseda është zhvilluar privatisht dhe duket se presidenti Armand Duka ka vendosur t’i besojë trajnerit aktual dhe për eliminatoret e kampionatit Europain. Një vendim i guximshëm nga numri një i institucionit më të lartë në vendin tonë, pasi dihet që një dështim i mundhsëm në eliminatoret e “Euro 2020” do të ulte shumë dhe kreditet e tij.
