Deputeti i PD-së, Ervin Salianji është kërcënuar me jetë pak ditë më parë.
Ngjarja e rëndë ka ndodhur në datën 31 tetor 2018, ku pranë Selisë së PD-së ka mbërritur një letër me kërcënimin ndaj Salianjit.
“Do të vritesh me snajper” shkruhet në letrën e dërguar.
“Do vritet me snajper nga një ish-punonjës policie, i quajtur Dorian Duli” vazhdon me pas shkrimi.
Mësohet se letra është dërguar nga një i burgosur në burgun e Fushë Krujës, i quajtur Agim, i cili rezulton të jetë i dënuar me 24 vite burg për vrasje.
