Këngëtarja shqiptare me famë botërore Rita Ora bën të ditur për fansat e saj se është duke kurdisur diçka teksa shkruan se mezi pret tu tregojë ndjekësve se çfarë ka “gatuar” ajo dhe stafi i saj gjatë pushimeve në ishujllin e Korfuzit.
“Në jetë duhet të jetosh momentin dhe të jesh mirënjohës për të tashmen dhe për gjithçka që është përballë teje, jo prapa teje! Kam kaluar një nga udhëtimet më të mahnitshme ndonjëherë”, shkruan ajo në një prej postimeve në Instagram.
“Unë jam përgjithmonë mirënjohëse, por do të më duhet të kthehem në punë”, shtoi Rita.”Mezi pres t’ju tregoj të gjithëve arsyen se përse e bëra këtë pushim dhe atë që unë dhe ekipi im kemi gatuar për ju të gjithë! Është kaq emocionuese! Diçka po vjen!”, shprehet Rita në një tjetër postim. Dhe nuk kanë munguar as komentet e ndjekësve të cilët po presin me padurim surprizën e këngëtares.
