Një alarm për bombë ka bërë që të evakuohet e gjitha ambasada shqiptare në Athinë.
Paraditen e sotme ka mbërritur një telefonatë në ambasadë, ku telefonuesi u ka thënë punonjësve se në ambasadë është vendosur bombë.
Telefonata zgjati vetëm 7 sekonda, ndërsa ambasada ka njoftuar policinë, e cila ka rrethuar me perimetër sigurie të gjithë zonën.
Kontrolli policor i policisë greke ka zgjatur rreth një orë dhe ka qenë i shtrirë në ambientet e jashtme dhe brenda godinës së ambasadës.
Pas kontrollit ka rezultuar se alarmi ka qenë fals.
Kjo ngjarje vjen pas tensionimit të marrëdhënieve ndërmjet dy vendeve lidhur me vrasjen e një ekstremisti grek në Bularat të Gjirokastrës nga RENEA.
