Policia e Fierit ka kryer sot kontrolle në në banesat dhe automjetet e shtetasit Arben Isufaj, i njohur ndryshe si “Ben Qimja”.
Isufaj ishte kallëzuar më 17 shkurt 2025 për rastin e kanosjes së një gjyqtari të Gjykatës së Fierit, Vladimir Cjapi.
Në kuadër të operacioneve, Policia ka sekuestruar një sasi të konsiderueshme prove, përfshirë një armë zjarri pistoletë, një palë targa të huaja, jelek multifunksional si i Policisë, dy pajisje DVR, gjashtë celularë dhe dokumenta të ndryshëm zyrtarë.Policia e Fierit ka shoqëruar disa shtetas të lidhur me Isufajn, ndërsa hetimet vazhdojnë për të zbardhur rrethanat e ngjarjes dhe për të siguruar prova të tjera.
Isufaj është shpallur në kërkim për dy vepra penale: “Kanosja e gjyqtarit” dhe “Prodhimi dhe mbajtja pa leje e armëve, armëve shpërthyese dhe municionit”. Aktualisht, Policia po vazhdon operacionet intensive për kapjen e tij dhe për të garantuar procesin hetimor të plotë.
