Britania ka shtuar sanksionet kundër Rusisë, duke sanksionuar edhe 65 individë dhe subjekte të tjera në përgjigje të pushtimit rus të Ukrainës, sipas la repubblica.
Në listën e Britanisë është edhe 26 vjeçarja Polina Kovaleva, vajza e ministrit të jashtëm rus Serghei Lavrov, e cila jeton në një apartament luksoz në Londër.
Sanksione janë vendosur edhe ndaj gjashtë banka të tjera, duke përfshirë Alfa Bank, bashkëthemeluesit e së cilës përfshijnë oligarkët e sanksionuar më parë Mikhail Fridman, Petr Aven dhe German Khan. Prodhuesi më i madh në botë i diamanteve Alrosa është sanksionuar gjithashtu.
Ministrja e Jashtme Liz Truss e ka bërë të ditur lajmin përmes një njoftimi në Twitter, duke specifikuar se lista tani përfshin “më shumë se 1000 individë dhe kompani” që besohet se kanë lidhje me sistemin e pushtetit të Presidentit Vladimir Putin.