Në qarkun e Beratit KAS po vijon numërimi i 114 kutive. Deri më tani janë rinumëruar 53 kuti nga të cilat LSI ka rikuperuar me 4 vota dhe Partia Socialiste me 6 vota.
Nga numërimi i kutive diferenca me vota është 74 vota, të cilat i duhen LSI që të fitojë mandatin.Bëhet fjalë për rinumërim të votave për partitë politike dhe vetëm 2 kuti për kandidatët. KAS ka ngritur 8 grupe numërimi të cilët do të vijojnë punën dhe sot pritet që të përfundojë numërimi i të gjitha kutive.
Komisioni i Ankimimeve dhe Sanksioneve në KQZ vendosi 2 ditë më parë me shumicë votash të anëtarëve që të rrëzojë kërkesat e PD dhe LSI për shpallje pavlefshmërie në Berat dhe Gjirokastër.